Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Tulipa agenensis

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Tulipo(-d'Agen)

Tulipa agenensis

Liliaceae Liliaceae

Nom en français : Tulipe d'Agen.

Descripcioun :
Aquelo bello tulipo nous vèn d'Asìo, mai fai deja de tèms qu'èi naturalisado au nostre. Trachis dins li champ cultiva e lis ermas. S'atrovo pas gaire, mai quouro n'i'a, pòu n'en agué forço qu'es uno planto rizoumatouso. Emé si fueio pu longo que li flour e si tepalo dóu deforo en pouncho, se destrìo de la tulipo-de-Raddi. Coumpara emé la tulipo-de-Raddi que ié sèmblo proun. Èi marcado sus la listo roujo, en dangié.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Tulipa
Famiho : Liliaceae
Famiho classico : Liliaceae

Ordre : Liliales

Coulour de la flour : Roujo
Petalo : 6
Ø (o loungour) flour : 4 à 5 cm
Flourido : Printèms Ivèr

Sòu : Ca
Autour basso e auto : 0 à 400 m
Aparado : Noun
Mars à abriéu

Liò : Champ - Ermas - Roubino
Estànci : Termoumediterran à Mesoumediterran
Couroulougi : Óurigino Asìo-Cèntre
Ref. sc. : Tulipa agenensis DC., 1804

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Tulipa agenensis

ges

Coumpara Lambrusco(-bastardo) emé uno autro planto

Coumpara Tulipo(-d'Agen) emé uno autro planto